Հյուսիսային դպրոցի 2․2 դասարանի սովորողները «Ուսումնական գարուն» նախագծի շրջանակում ներկայացնում են իրենց կարդացած գիրքը կամ ստեղծագործությունը։ Առանձնացնում իրենց դուր եկած ամենահետաքրքիր հատվածը կամ արտահայտությունը: Նկարագրում և բնութագրում հերոսներին։ Կարծիք արտահայտում կարդացածի մասին։
Ներկայացնում է Արինա Նավասարդյանը։
Ես կարդացել եմ Ջունգլիների գիրքը։ Հեքիաթի անունը Մաուգլիի եղբայրներն է։ Հեղինակը Ռեդյարդ Քիփլինգն է։ ինձ դուր եկած հատվածը սա է .
_Բագիրա՜ն մեզ նկատեց։ Ջունգլիների բոլոր բնակիչները հիանում են մեր ճարպկությամբ ու խորամանկությամբ։
Հեքիաթի հերոսներն են Մաուգլին, Բագիրան (լուսան), Բալուն (արջ), Քաան (օձ), Շեր Խանը (վագր), Ակելան ( գայլերի առաջնորդ), Ռաքշան (մայր գայլ), 3 ուրուրները, օձ Կոբրան (հին քանդված քաղաքի հարստության պահապան), Տաբակին (շնագայլ), կապիկները (բանդերլոգներ)։
Այս հեքիաթը շատ – շատ հետաքրքիր է։ Հեքիաթը պատմում է փոքր երեխայի մասին, ով հայտնվել էր Ջունգլիներում առանց ծնողների, ում Շեր Խանից պաշտպանում էր Բագիրան, Բալուն և մայր գայլը։
Իմ կարծիքը այն է, որ բոլոր մայրերը պաշտպանում են իրենց ձագերին ուրիշ գազաններից։